Шампиони!! Колев и ФК Вардар ген.2008 дојдоа до титула во Детската лига

Во големото финале од Детската лига кај генерација родени 2008, ФК Вардар се сретна со ФК Милано од Куманово. Во еден одличен дуел, црвено-црните дојдоа до титулата откако ја потврдија доминацијата оваа сезона.

Дуелот започна со целосна доминација на Вардар, имавме големи прилики преку капитенот Ненад Дамјаноски, Лука Трпевски и Арти Азизи. Напаѓавме постојано, прашање на време беше кога ќе поведеме. Конечно, преку Азизи отваривме со гол за 1-0. По голот имавме уште две прилики, Стефан Бранковски имаше прилика, потоа Азизи погоди статива по одлична асистенција на Лука Трпевски. Во напад доминиравме, но треба да се потенцира и голманот Грчевски Лука кој беше одличен, но и стоперскиот двоец кој одигра на ниво. Иван Ташевски и Стефан Марковски даваа сигурност цел меч. Противникот се закани, со три одлични одбрани Грчевски не дозволи изедначување. Азизи се обиде во продолжение, но неговиот удар заврши над гредата. Нашата доминација беше наградена во финишот кога Ненад Дамјаноски погоди по одлична асистенција на целиот напад. Топката тргна од Блажевски, потоа учествуваа Трпевски и Бранковски во акцијата. На одмор се замина со предност од 2-0.

Во вториот дел лесно го скршивме ривалот, за време на паузата тренерот Колев инсистираше на фајтерски пристап во 2.полувреме. Тоа и се случи и по само две минути со двата прекрасни гола на Стефан Бранковски поведовме со 3-0 и веднаш потоа и со 4-0. По овој момент се беше решено во ова финале. Грчевски фати на фантастичен начин пенал на Милано, во нападот се закануваме преку Бранковски. Колев реши потоа во игра да ја уфрли целата клупа, тоа не резултираше со пад на ритамот, напротив се засили. Напаѓавме и понатаму. Марко Шоторовски погоди за високи 5-0, Киш имаше исто така одлична прилика. Последно за одбележување е одличната одбрана на голманот Јовчев Дарко.

Титулата на крајот дојде со резултат 5-0. Честитки за сите момчиња кои го носат дресот на оваа вардарова генерација и за тренерот Колев Влатко кој дава посебен имплус на овој тим. Голманот Лука Грчевски беше прогласен за најдобар во неговата категорија.