Поранешниот капитен и голман на Вардар, седнува на клупата на ,,црвено-црните”

ФК Вардар во новата сезона освен низа на нови играчи ќе има и нов тренер. Поранешниот голман и капитен на тимот, Горан Симов седнува на клупата на ,,црвено – црните” и ќе има за задача да го врати тимот експресно во Првата фудбалска лига.

Горан Симов им е доста добро познато име на оние верни навивачи на Вардар. Во периодот од 2009-10 и 2011-13 го носеше дресот на нашиот тим. Симов како голман на Вардар освои и две шампионски титули. Симов има 46-години, а како тренер може да се пофали со освоен Куп на Македонија со екипата на Силекс изминатава сезона. Новиот тренер покрај себе на клупата ќе ги има за помошници Златко Таневски и Филип Ивановски, додека пак тренер на голманите останува Саша Илиќ. Вардар ќе добие и нов кондициски тренер, бидејќи Михајло Шекероски – Шани повеќе не е дел од клубот.

,,Новиот” Вардар треба да го видиме на фудбалските терени на 21 јули против Саса во Македонска Каменица.