По повод претстојниот натпревар во второто квалификациско коло од лигата на шампиони, помеѓу екипите на Вардар и Динамо Загреб, со соопштение излезе и навивачката група Комити Запад. Првиот дуел е закажан за 12-ти јули на арената Филип втори, со почеток од 20:45 часот. Навивачката група Комити се изјасни и за членските карти за новата сезона. Ви го пренесуваме во целост нивното соопштение
ИЗВЕСТУВАЊЕ ЗА ПРЕСТОЈНИОТ НАТПРЕВАР ПОМЕЃУ ФК ВАРДАР СКОПЈЕ – ФК ДИНАМО ЗАГРЕБ
Навивачката група “Комити Запад” Ве известува дека билетите за западната трибина ќе почнат да се продаваат од Понеделник (04.07.2016) од 10:00 до 18:00 ч. на билетарата на Градскиот стадион. Исто така во продажба ќе бидат пуштени и членски карти за престојната 2016-2017 по цена од 300,00 денари. Со купена членска карта ќе се добива попуст на билетите за натпреварите на ФК и РК Вардар.
За натпреварот со Динамо Загреб билетот ќе чини 100,00 денари без членска карта и 50,00 денари со членска карта !
Собирот на групата е во 18:30 ч. на “Фонтана”, а влегувањето на стадион најдоцна до 20:00 ч. кога според официјален протокол за европски натпревар сите врати на стадионот ќе бидат затворени. Членовите и останатите кои ќе бидат дел од Комити да ги почитуваат инструкциите за да не дојде до непријатни и несакани ситуации.
Со почит.
КОМИТИ ЗАПАД