Вардар стигна до првата победа во рамките на првата Македонска фудбалска лига. На стадионот во Ѓорче совладана беше екипата на Победа од Прилеп. Конечниот резултат на овој дуел гласеше 0:4. Стрелци на головите беа Барсегјан, Којашевиќ, Итало и Фелипе. Ова беше и деби триумф во домашното првенство за новиот стратег на Вардар, Чеде Јаневски. И покрај најавите дека Победа може да стигне до поволен резултат во дуелот со црвено-црните, стратегот на противникот, Зоран Штерјовски призна дека Вардар бил далеку подобар на теренот.
-Наидовме на друг Вардар со нов тренер. Од една страна организација перфекетна, со многу пасови, со повеќе играчи во поле. Од друга страна, ние дезиориентирани во цел меч, немавме шанси и лек против овој Вардар. Се случи тоа што се случи. Многу лесно примавме голови, но не одигравме на она очекувано ниво, но и против нас имавме перфектен и силен Вардар. Имаме два проази во низа, во првите четири кола имаме тежок распоред. Игравме со Пелистер и Вардар, па следи меч со Шкупи. Тука треба да ги бараме бодовите. Затоа што потоа, гостуваме кај Шкендија, рече Штерјовски.