Утре тест дуел на сениорите против младинците на ФК Вардар

Од ФК Вардар не информираат дека утре со почеток во 14 часот на тренинг кампот во населбата Хиподром тест дуел ќе одиграат сениорите и младинците на ФК Вардар. Но, на овој натпревар шанса за настап ќе добијат сите играчи кои не настапија на дуелот против Турново во неделата.

Ова ќе биде одлична можност сите играчи кои добиваат помала минутажа да се докажат кај тренерот Седлоски, а пак од друга страна, мотив повеќе за младинците да се докажат пред тренерот на првиот тим.