Продолжува победничката серија за генерација 2010 на ФК Вардар

Вардар ген.2010 со 3/3 во регионалната лига.

Помалите петлиња на Вардар во рамки на 3.коло како гости беа подобри од солидниот тим на Аеродром со резултат 1-3

Првиот дел помалите петлиња на Вардар го добија со резултат 2-0. Ние бевме тимот кој имаше иницијатива на оваа средба од 3.коло во регионалната лига од групата-1. Краљевски успеа да погоди за предност од 1-0. Тргнавме да ја удвоиме предноста во тоа успеавме преку Џихан Ибраими кој го совлада голманот на ривалот со удар по земја.

Вториот дел започна со неколку прилики на нововлезениот Лука Митевски. Потоа се закани и Гиевски, во фудбалот казната за промашувањата стига на спротивната страна. Домаќинот успеа да украде една топка од нашата одбрана и намали на 2-1. Стрелецот на првиот гол, Краљевски се закани од слободен удар, топката мина крај гол конструкцијата. Павел Антевски ги постави конечните 3-1 на оваа средба.