Трета победа во низа на Вардар без примен гол

Фудбалерите на Вардар стигнаа до третата победа во низа без примен гол, откако попладнево на домашен терен го совладаа тимот на Кадино со убедливи 4:0 (2:0).

Уште во третата минута од натпреварот Вардар дојде до предност. Ване Јованов со супер асистенција до Петковски, кој од само неколку метри ја смести топката во мрежата на гостинот за 1:0. Веќе во 33. минута Вардар дојде и до 2:0. Одново Јованов асистент, овој пат до Демир кој со одличен силен удар стрелаше прецизно за дуплирање на предноста. Во вториот дел, Вардар стигна брзо и до трет гол во мрежата на гостинот. Стрелец на овој гол беше Петковски. До крајот на дуелот во листата на стрелци се запиша и младиот Величковски за конечни 4:0.

Вардар во следното коло гостува кај тимот на Гостивар.