Sunday ,16 June 2024
Последни:
Home > ФК Вардар > У-16 > Пом.пионери на ФК Вардар го растурија Њу Старс и речиси се пласираа во големото финале на купот
Пом.пионери на ФК Вардар го растурија Њу Старс и речиси се пласираа во големото финале на купот

Пом.пионери на ФК Вардар го растурија Њу Старс и речиси се пласираа во големото финале на купот

Помладите пионери на ФК Вардар речиси се пласира во големото финале на купот, откако утрово на теренот на Академијата остварија убедлива победа на првиот полуфинален меч. Противник ни е тимот на Њу Старс кој го совладавме полесно од очекувањата и тоа убедливо со резултат 7:0

Тренерот Деспотовски стартуваше со следниве 11-сетмина: Стојковски (c), Трпезановски, Давков, Стојчевски, Ѓорѓоски, Сељанац, Тасевски, Давидовски, Живков, Мирков, Хасани.

Вардар успеа да поведе уште во 15 минута од мечот кога резултатот за 1:0 го отвори Антонио Мирков. На вториот погодок не се чекаше многу време, по само четири минути, црвено-црните го зголемија водството на 2:0 со погокот на Абдула Хасани. Истиве играчи постигнаа уште по еден гол до крајот на првото полувреме. Најпрво Мирков во 23 минута зголеми на 3:0, за на две минути пред крајот на првиот дел, Хасани да му донесе водство на Вардар од 4:0.

Во вториот дел постигнавме уште три голови во противничката мрежа. Во листата на стрелци се запишува и Славче Живков за водство од 5:0.Вардар беше доминантен на овој дуел, резултатот беше зголемен на 6:0 со голот на Петре Тасевски, додека конечните 7:0 на овој прв полуфинален дуел ги постави нововлезениот Лео Андрески кој настапи после подолго време.

Во игра влегоа уште и Андрески, Ѓорѓиевски, Марковски, Саит, Јовчев, Лозановски и Исмаиљи.