Sunday ,19 January 2020
Последни:
Home > ФК Вардар > Петлиња > Фк Вардар генерација “2007“ победник на меѓународен турнир во Битола
Фк Вардар генерација “2007“ победник на меѓународен турнир во Битола

Фк Вардар генерација “2007“ победник на меѓународен турнир во Битола

Нашите најмлади Вардарови генерации продолжуваат со успеси и добри резултати на турнирите, на кои настапуваат. Фк Вардар генерација “2007“ е освојувач на силен меѓународен турнир во Битола, на кој учествуваа околу 15 екипи. Имаше тимови и од соседните Србија и Грција. Оваа генерација ја предводи Игор Кралевски кој е поранешен репрезентативец и играч на неколку прволигашки екипи во Македонија. Со импресивна гол разлика од 15 постигнати и само еден примен гол, овие млади момчиња на убедлив начин станаа победници.

Во групата каде настапувавме ги постигнавме следниве резултати:

1 коло: ФК Вардар- Фк Топ гол 3:0

2 коло: Фк Топ тим (Охрид) -Фк Вардар 0:5

2 коло: ФК Вардар- Фк Брегалница 3:0

vardrafans 2007

Пласман во полуфиналните натпревари обезбедија првите две пласирани екипи од групите. Вардарци без примен погодок во групната фаза се најдоа во 1/2. Таму за противник ја добивме екипата на Битолски Пелистер, дуел во кој остваривме победа од 3:1.

Во големото финале на генерација “2007“ се сретнаа повторно тимовите на Вардар и Топ гол. Црвено-црните повторно беа подобар противник и забележаа минимална победа од 1:0, која беше доволна за освојување на првото место. Овие млади момчиња само ја заокружија победничката серија, во изминатиов период и на другите Вардарови генерации.