В недела со почеток во 13 часот Вардар ќе го одигра и последниот натпревар од првата македонска фудбалска лига за овој дел од сезоната. Нашите играчи в недела ќе се обидат да стигнат до уште една победа, односно да ја затворат оваа полусезона со шест бодови предност пред најголемиот конкурент за титулата Шкендија, или можеби и повеќе доколку Шкендија киксне со Пелистер на домашен терен.
Вардарци во првата лига со сите македонски фудбалски тимови имаат поуспешен меѓусебен биланс, па така и со кратовчани. Нашиот тим е во серија од две победи едно по друго против овој тим. Но, Вардар има еден “болен” пораз од минатата сезона. Минатата сезона Силекс како домаќин не совлада со резултат 3:2. Кога се во прашање домашните дуели против овој тим, тука нема дилема. Вардар на домашен терен против овој тим е во серија од 8 натпревари без пораз. Последен пат Силекс како гостин не победи во далечната 2009 година со резултат 0:2. Очекуваме Вардарци да ја заокружат есента со победа. Инаку, Вардар ќе одигра и уште еден натпревар до крајот на оваа календарска година. В среда гостин ќе ни биде Металург во рамките на реванш дуелот од 1/4 финалето од Купот на Македонија.