Фудбалерите на Вардар после изведување на удари од белата точка ја победија екипата на Пелистер, на пријателски натпревар во чест на Трајан Кочишки – Куља.
Натпреварот кој се одигра на стадионот во с.Црно Буки во регуларните 90.минути заврши со нерешен резултат 2:2. Црвено-црните успеаа први да го отворат резултатот со атрактивниот погодок на Симеон Христов во 37 минута.
Во второто полувреме видовме три гола. Во 78.минута противникот го израмни резултатот на 1:1, за Вардар да ја врати предноста со голот на младиот Никола Величковски кој погоди за водство од 1:2 во 84 минута. Само две минути подоцна, Пелистер успеа да врати и да го израмни резултатот на 2:2, кој се покажа како конечен во регуларниот дел од мечот.
После изведување на удари од белата точка, славеше Вардар со резултат 4:5. Во пенал серијата за Вардар погодија Попзлатанов, Мицевски, Блажевски, Велковски и Десниќ. Нашиот голман Гачевски скроти два удари на противникот.