Vardar Fans
Фудбалскиот клуб Вардар успеа да забележи победа на првиот контролен натпревар во подготвителниот период. Попладнево на стадионот „Борис Трајковски“ црвено-црните со резултат 3:0 беа подобри од екипата на Тетекс.
Вардарци стигнаа до заслужен триумф со оглед дека имаа повеќе од играта на овој пријателски натпревар. Резултатот го отвори младиот Марко Николовски (2006) после центар шут, Николовски со глава успеа да го матира противничкиот чувар на мрежата и да донесе предност од 1:0, резултат со кој се замина на полувреме.
Во вториот дел, паднаа уште два гола во мрежата на Тетекс. После протурена топка од Цветков до Огнен Здравковски, успеавме да зголемиме на 2:0, додека конечните 3:0 беа дело на Владимир Жоглев, кој исто така успеа да се запише во листата на стрелци.
Вардар: Гачевски, С.Здравковски, Вецески, Папули, Велковски, Мицевски, К.Николовски, Гаштаров, М.Николовски, Десниќ и Цветановски.
Во вториот дел, од клупата шанса добија играчите од младинската школа на клубот, се работи за Давор Лефковски, Огнен Здравковски, Горјан Цветков, Тино Спасиќ, Никола Филевски и најмладиот Лука Атанасовски (2007).
