Вардар на 934 место во светот, според најновиот ранкинг на “CLUBWORLDRANKING”

Според најновиот ранкинг на “CLUBWORLDRANKING”, екипата на ФК Вардар се наоѓа на 934 место во светот. Во обзир се земаат само натпреварите на меѓународна сцена, а по елиминацијата на Малме, црвено-црните скокнаа на листата на најдобрите екипи во светот. Вардар моментално има 93 поени, а доколку успеаат да го поминат и Копенхаген сигурно е дека ќе се искачат на повисоко место на ранкинг листата и ќе додадат повеќе бодови на своето конто.

Првиот меч со шампионот на Данска се игра утре на арената со почеток од 20 часот, реваншот пак, ќе се игра во Копенхаген на 2. август во 20 часот на стадионот „Телиа Паркен“.