Вардар нема победа од 28 ноември минатата година

Изгледа неверојатно.. Најголемиот фудбалски тим во нашава земја заборави да победува. Последен пат тимот на Вардар на победа се радувал на првенствен натпревар на домашен терен и тоа на 28 ноември минатата година, оттогаш па се до ден денес Вардар бележи само неуспеси.

Кризата започна по нерешениот резултат со Академија Пандев на гостински терен 0:0 одигран на 02 декември. Потоа следуваа пет контроли во Аланија каде Вардар не забележа ниту една единствена победа, а кризата да го достигне врвот беше и оној пораз исто така од Академија Пандев, овој пат на контролен дуел со 6:1. По овој резултат следуваа уште и поразите од Шкендија и Ренова во Тетово, за кризата да биде продлабочена на цели девет натпревари без победа (шест пријателски и три првенствени дуели).

Шанса Вардар да излезе од оваа голема криза и конечно да победи ќе ја има в недела, кога во Маџари гостува тимот на Македонија ЃП.