Vardar Fans
Во, недела на 3 март ќе се оддржи престижниот Гази Баба Челинџ. На истиот ве повикува за настап нашиот атлетичар Петре Завировски. Завировски е медалист на овој престижен Крос Кантри. Воедно тука ја истрча својата најдобра крос кантри трка во кариерата во 2017г. Освојувајќи го сребрениот медал. Своевремено тука настапуваа и Европски Шампиони меѓу кои Митко Ценов.
Во целост ви го пренесуваме соопштението на AK Endurance.mk
Почитувани тркачи,
Би сакале да ве поканиме на 03. март 2019 во 11:00 часот да бидете дел од осмото издание на крос кантри атлетската трката Gazi Baba XC Challenge која оваа година ќе биде и меморијал во спомен на Атанас Кираџиев како атлетски работник / стартер и родител на атлетичарите Александар и Весна Кираџиеви.
Оние кои нѐ следите на Athletic Club ‘Endurance.mk’ – Skopje или сте биле дел од некоја од трките во наша организација, знаете дека Gazi Baba XC Challenge е трка која традиционално ја организиравме од 2011-2017, седум години по ред. За жал минатата, 2018 година имавме повеќе од една причина да отстапиме од идејата за организација.
Едната причина беше тоа што трката не беше финансиски поддржана и сите трошоци требаше да паднат на учесниците и организаторите. Вообичаено, главен покровител на оваа трка беше Градот Скопје, но новата постава таму одлучи дека Градот нема интерес понатаму да го поддржат овој проект.
Исто така знаете дека традиционално, трката се одржуваше во првиот викенд од март, но за жал минатата година тоа не беше возможно од уште една причина; нашиот татко, Атанас Кираџиев кој беше голем дел од тимот кој ја помага оваа трка ја изгуби битката со ракот на белите дробови токму тој период (05ти март).
Затоа оваа година одлучивме оваа трка да ја посветиме како меморијал во негов спомен и спомен на една традиционална трка која многумина од нашите тркачки пријатели сеуште прашуават дали ќе ја организираме.
Трката ќе има ревијален карактер, без пријавување и котизација и секој може да дојде, да учествува или само да присуствува. Збирно место ќе биде истата локација каде што вообичаено беше стартот на Gazi Baba XC Challenge. Ќе трчаме по истата патека како за трката, а доколку има групи кои се повеќе или помалку спремни, ќе се поделиме во групи, па според тоа ќе одлучиме и колку километри ќе се трча, (3км, 5км…).
Се гледаме во недела
