Вардар тргна по “чудо“ за Сан Себастијан, во освојување на првите бодови во Лигата на Европа

Вардаровата експедиција утрово замина за Сан Себастијан, каде утре ќе одигра натпревар од четвртото коло на групната фаза во Лигата на Европа, против екипата на Реал Сосиедад. Се очекува нашиот шампион на пладне да слета во градот каде ќе се игра натпреварот, во 18:30 е закажана прес-конференција, додека половина час подоцна ќе биде првиот официјалне тренинг на стадионот каде утре силите ќе ги одмерат Реал Сосиедад и Вардар.

На првиот натпревар одигран во Скопје, шпанците славеа убедливо со резултат 0:6. По три одигри кола, црвено-црните немаат освоено бод и имаат постигнато само еден гол, оној на гостувањето против Розенборг.