Александар Трајчевски: Покажавме дека сме одлично подготвени како на физички така и на тактички план

Момците на Влатко Колев, кадетите на Вардар уште на стартот имаа тежок испит, против тимот на Академија Пандев. Нашиот тим започна лошо, но потоа следуваше добра игра на нашите играчи и два гола. Резултатот на крај гласеше 3-2 за нашиот тим, иако со играч помалку одигравме во текот на целиот втор дел. Еден од најзаслужните за победата од овој меч беше токму и капитенот Трајчевски. Александар успеа да постигне еден гол, но и да биде асистент на другите два. Трајчевски за нашиот сајт вели:

-Првиот натпревар во сезоната е секогаш тежок особено кога се игра против ваков противник, но ние покажавме дека сме одлично подготвени како на физички така и на тактички план. И покрај тоа што поголемиот дел од натпреварот го игравме со играч помалку шефот Влатко Колев одлично ја постави играта, успеавме да створиме повеќе шанси за гол и да бидеме подобра екипа на теренот. - Изјави Трајчевски за Вардар фанс.

Димитар Гогов