Селекторот на младинската фудбалска репрезентација до 21 година, Благоја Милевски го објави списокот на играчи, на кои ќе може да смета во пресрет на квалификациските натпревари, против селекциите на Исланд и Франција. Со Ислан играме на 24 март на домашен терен на тренинг центарот на ФФМ „Петар Милошевски“ , додека на 28-ми март гостуваме во Ле Ман на Франција.
За овие два дуели, Милевски во составот повика и двајца играчи од редовите на Вардар. Дарко Велковски и Бобан Николов се црвено-црните претставници од нашиот шампион.
Селекторот Милевски напомена дека има одредеи проблеми околу склопување на составот, но ветува дека овие момци што ќе му бидат на располагање ќе прикажат борбен и офанзивен фудбал.