Дарко Велковски претставен во Ријека, со која потпиша тригодишен договор

Дарко Велковски денес потпиша договор на три години со екипата на Ријека од Хрватска. Откако одби да го продолжи договорот со црвено-црните, репрезентативецот на Македонија пролетниот дел го помина тренирајќи со младинците на Вардар, без да забележи настап за првиот тим. Уште од поодамна, Велковски се поврзуваше со транфер во овој клуб, а денес потврдите и станаа официјални.

-Ријека е одличен град. Првите импресии ми велат дека луѓето се фантастични. Се надевам дека ќе играм и ќе напредувам, натпреварите од хрватското првенство ги следев на телевизија и познавам дел од играчите, пред се оние од Динамо и од Хајдук. Стефан Ристовски ми кажа се најдобро за Ријека, како за клубот така и за навивачите. Го познавам и Леонард Жута кој настапуваше за Македонија, како и Милан Ристовски, истакна Велковски на претставувањето во новиот клуб.