Vardar Fans
Кадетите на ФК Вардар денес одиграа контролен натпревар со сениорската екипа на ФК Гоце Делчев која се натпреварува во Третата Лига. Натпреварот кој се одигра на теренот во Скопско Поле го добија вардаровите надежи кои славеа убедливо со резултат 5:1.
Вардарци на полувреме имаа предност од 2:1, а резултатот беше отворен со авто гол на противникот, за предноста на два гола да ја зголеми Ѓорѓи Дошев. До крајот на првиот домашниот тим го намали резултатот, па на краток одмор се замина со наша минимална предност.
Во второто полувреме, постигнавме три гола во противничката мрежа. Во листата на стрелци се запишаа Харбин Туша, Кристијан Галевски и Горјан Цветков за конечни 5:1 на овој пријателски натпревар.
Вардар: Никола Филевски, Симеон Здравковски, Тино Спасиќ, Рами Рахми, Хадис Рамани, Ѓорѓи Дошев, Алтин Нурединовски, Виктор Стефановиќ, Филип Јовановски и Марко Николовски.
