Во премиерниот настап во домашното првенство, помладите пионери на Фк Вардар ремизираа во градското дерби со екипата на Работнички. Конечниот резултат беше 1:1. За нашиот тим погоди капитенот Кристијан Чурлинов, на спротивната страна стрелец беше Давид Тошевски. Натпреварот се играше на теренот на Локомотива, по 35 минути во едно полувреме.
Вардарци беа поквалитетен противник и имаа повеќе прилики за постигнување голови од противникот. На полувреме заминавме со предност од 1:0. Во вториот дел, Работнички го израмни резултатот на 1:1. Избраниците на Сашо Јанев имаа уште две одлични шанси да ја затресат мрежата на противникот. Најпрвин Мартин Спировски, а потоа и Виктор Петковски не успеаа дa ја погодат целта. Во двата наврати голманот на Работнички беше поуспешен. За прв официјален меч во лигата, нашите мади надежи одиграа одлично и покажаа карактер и зрелост, да се носат со било која друга екипа во домашните натпреварувања.