Vardar Fans
Вардар стигна и до втората победа на подготовките во Анталија. Попладнево нашите играчи во целост го надираа тимот на Локомотив Пловдив и славеа заслужена победа од 2:1. Стрелци на погодоците за нашиот тим беа Грозданоски и Новак.
Вардарци првиот дел го одиграа одлично, во текот на сите 45 минути ја имаа топката во свој посед, створија голем број на шанси за погодок, за разлика од противникот кој само на два наврати беше опасен кон голот на Пачовски. Првата голема шанса на натпреварот ја имаше Грозданоски во 10. минута од мечот. Одлично по страна продре Блажевски кој му асистираше на Грозданоски, но нашиот играч биеше само во добро поставениот голман на противниците. Втората добра прилика за гол ја имаше Блажевски во 15. минута од мечот. Издрибла неколку играчи на Локомотив, но со еден погрешен потег пропадна оваа одлична негова можност за гол. Во 18. минута Вардар стигна до предност од 1-0. Блажевски одлично продре по страна, му асистираше на Грозданоски кој од неколку метри ја смести топката во голот на противникот за предност на нашиот тим. До крајот на првиот дел Вардар имаше уште неколку добри можности за гол, но не ги искористи. Единствената добра шанса за гол противникот ја имаше во 36 минута. По една наша грешка, еден играч на Локомотив биеше силно од 25 метри, но топката за наша среќа заврши во пречката.
На почетокот на вториот дел во нашиот тим беа направени неколку замени. Првата посериозна шанса во вториот дел ја имаше тимот на Локомотив Пловдив. Во 56. минута еден играч на противникот биеше од слободен удар, но само над голот на нашиот тим. Во понатамошните 15. минути од мечот тимот на Локомотив притискаше, но не успеа да создаде посериозна шанса за да го загрози нашиот гол. Во 79. минута Вардар дојде до предност од 2:0 и сигурна победа од овој натпревар. Еден наш играч изведе корнер одлично го пронајде Новак, кој биеше прецизно со глава за дуплирање на предноста. Во 88. минута Камбуров намали на 2:1. Со овој резултат заврши натпреварoт.
Утре Вардар ќе го одигра последниот пријателски натпревар, противник ќе ни биде тимот на Терек Грозни.
