Vardar Fans
Фудбалскиот клуб на Вардар генерација родени 2007 година беа дел од еднодневен меѓународен турнир, на кој учествуваа екипи од Скопје, Битола, Струга, Охрид и Корча ( Албанија). Оваа Вардарова генерација предводена од тренерот Томче Трајановски учествуваше со две свои екипи, кои на крај го освоија второто и треттото место.
ФК Вардар (1) одигра шест натпревари на турнирот, на кои забележа пет победи и само еден пораз и тоа токму во големото финале. Подобри од нас во финалето беа екипата на Топ Гол од Битола. Натпреварот заврши со минимална победа на противникот од 1:0. Најдобри стрелци во оваа екипа беа Александар Грашески и Марко Киш со по 5 постигнати голови. Спасовски беше стрелец на 4, додека Петар Мицевски доаде 3 голови на целиот турнир. Инаку Грашевски е на позајмица од екипата на Спорт Ефе и важи за еден од најталентираните млади фудбалери кои настапуваат на младинските фудбалски турнири низ Македонија.
ФК Вардар (2) одигра исто така шест натпревари, забележувајќи четири победи и два порази. Во борбата за треттото место младите Вардарци беа подобри од екипата на Скендерберг (Албанија) со убедливи 4:1. Најефикасни играчи во оваа екипа на Вардар беа Борјан Томовски со 6 и Стефан Младеновски со 3 постиганти голови.
