Thursday ,28 March 2024
Последни:
Home > ФК Вардар > Прв тим > Започнува новата сезона на Б-лигата, Фк Вардар гостува на Брегалница
Започнува новата сезона на Б-лигата, Фк Вардар гостува на Брегалница

Започнува новата сезона на Б-лигата, Фк Вардар гостува на Брегалница

Денес започнува втората сезона на Б-лигата, во која се натпреваруваат вторите тимови на екипите кои настапуваат во ПМФЛ. Со почеток од 15 часот на стадионот во Штип, ќе се одигра натпреварот помеѓу Брегалница и Вардар. Б-тимот на цервено-црните оваа сезона ќе го предводи Љупчо Марковски-Калц, кој воедно е тренер и на младинците.  За овој прв воведен меч, Марковски повика дури 11 играчи од младинската екипа.

Александар Ѓоргиоски, Андреј Ричков, Филип Јошевски, Берат Исмаил, Христијан Цукалески, Александар Трифунов, Теодор Димитровски, Кристијан Апостоловски, Ердон Даци, Кристијан Николовски, Виктор Димков и Дарко Додевски се играчите кои настапуваат за младинската екипа на Вардар.

Од првиот тим за овој меч се повикани Игор Павловиќ, Александар Темелков, Филип Петковски и Дино Најдоски. Оваа лига е несомнено многу корисна за играчите кои добиваат помала минутажа во ПМФЛ, но и за оние од младинските категории на клубот.