Wednesday ,06 July 2022
Последни:
Home > ФК Вардар > Прв тим > Зенит прв противник на Вардар, во Скопје доаѓаат Ивановиќ, Паредес, Кранвитер
Зенит прв противник на Вардар, во Скопје доаѓаат Ивановиќ, Паредес, Кранвитер

Зенит прв противник на Вардар, во Скопје доаѓаат Ивановиќ, Паредес, Кранвитер

Вардар ги дозна своите противници во групната фаза во Лигата на Европа. Најзвучно фудбалско име кое ќе дојде во Скопје е тимот на Зенит. Рускиот тим е предводен од Италијанецот Роберто Манчини кој во минатото беше тренер на славните Манчестер Сити и Интер.

Во тимот на Зенит има голем број на квалитетни играчи. На голот во рускиот шампионат брани Лунев, во одбраната играат играчи како Бранислав Ивановиќ, прославениот играч на Челзи, Доминико Кришито, како и новиот играч Мамана кој дојде од Лион ова лето. Средината на теренот ја контролираат новите засилувања Паредес и Кранвитер. За првиот тимот на Зенит плати високи 25. милиони евра на Рома. Покрај овие играчи тука се и искусните Нобоа, Жирков и Шатов. Прва sвезда во нападот на Зенит е рускиот репрезентативец Кокорин, покрај него тука се и Аргентинецот Дриуси како и искусниот Џуба.

Зенит по седум одиграни кола во домашниот шампионат се наоѓа на лидерската позиција со 19. освоени бодови и ниту еден пораз.