(ФОТО) Комитската, Екипа “ПИВО“ со хуманитарна новогодишна акција

 Екипата-ПИВО која е дел од  навивачката група на црвено-црните, Комити Запад, последните денови од веќе изминатата 2018 година ги искористи да се вклучи во хуманитарни цели. Ви го пренесуваме во целост нивниот текст:

Со цел да ја заокружиме и да ја испратиме годинава, се вклучивме во две хуманитарни акции.

За првата задоцнивме еден ден, но, нели, никогаш не е доцна. Го исконтактиравме отец Кирил Фидански од манастирот св. Наум во Радишани, кадешто дониравме облека, по некоја книга и друштвена игра, како и храна и средства за хигиена, за потребите на ЈЗУ “Психијатриска болница Бардовци” и згрижените лица во истата.

Втората акција беше приклучување на акцијата на Хуманитарната организација Св. Спас, кадешто дониравме 37 пакетчиња за најмладите.