Милосављев со 5 одбрани и еден седмерец, во победата на Србија над Тунис

Српската ракометна репрезентација за која настапува Дејан Милосављев одигра подготвителен натпревар, во пресрет на Светското првенство, кое од 10. јануари ќе стартува во Германија и Данска.

Избраниците на Ненад Перуничиќ за противник ја имаа селекцијата на Тунис, која успеаа да ја совладаат со резултат 29:25, на натпревар кој се одигра во Смедерево. Во најголем дел од мечот, Србија имаше предност и на крајот заслужено победи. Вардаровиот голман, Дејан Милосављев го заврши мечот со 5 успешни интервенции, од кои имаше и еден одбранет седмерец.

Милосављев го помина и вториот скратен список од страна на селекторот, од кој отпаднаа дури пет играчи. Во петок и сабота, Србија ќе гостува во Скопје каде ќе одигра два контролни натпревари со селекцијата на Македонија.