Комити во недела самоорганизирано со автомобили патуваат за Турново

Првото коло оваа пролет на црвено-црниот фудбалски колектив мина, на истиот во текот на целиот меч доаѓаше континуирана поддршка од западната трибина за избранците на Гоце Седлоски. Комити запад беа 12-ти играч на Вардар во мечот со тетовската екипа Ренова.

Веќе во недела повторно на програмата прволигашки фудбал, овој пат црвено-црните гостуваат кај екипата на ФК Хоризонт Турново. Како и на секој така и на овој меч Комити ќе заминат на оваа дестинација на југот од нашата земја за да дадат безрезевна поддршка за својте миленици. Мечот ќе се одигра  на 28/02/2016, во недела  со почеток во 14:00 часот. Комити ќе патуваат најверојатно доколку нема некоја промена, самоорганизирано со автомобили во еден навивачки караван од Скопје па се до село Турново.