Вардар в сабота ја стартува пролетната полусезона, гостуваме на КК Куманово

Овој викенд продолжуваат возбудувањата во Првата сениорска кошаркарска машка лига. Во првото пролетно, односно 12.коло од сезоната 2018/2019 година, КК Вардар ќе биде гостин на тимот на КК Куманово од истоимениот град.

Натпреварот ќе се игра задутре, сабота, 19.јануари со почеток во 18-00 часот. Домаќинот е фаворит на оваа средба, тие досега имаат пет победи во лигата, од кој првата ја остварија на првиот меч со нас во “Кале“. Кумановци како гости не совладаа со резултат 77-85.