КУГЛАЊЕ! Братско финале Влаќевски-Димитровски во четврток во СЦБТ ќе го даде шампионот на Македонија

Финале со црвено-црн шмек ќе гледаме во четврток на 30-ти декември во Поединечното државно кугларско првенство. Дуелот ќе се игра во кугларницата при Спорскиот центар “Борис Трајковски“ во Скопје.

Во финалето ќе се сретне ударното дуо на црвено-црниот кугларски колектив Димитар Димитровски и Бојан Влаќевски. Вардаровите момци во квалификациите беа доминантни, исто така и во четвртфиналето. Во полуфиналето кое се играше во кугларницата која сезонава е наш дом, Мусандра во Градскиот трговски центар Скопје избраниците на Драги Димитровски тренерот на КК Вардар, се сретнаа со најдобрите двајца куглари на нашиот ривал КК Макпетрол.

Димитровски (лево)-Д.Драги(тренер)- Влаќевски (десно)

Нашите вардарци во ова соочување ги “збришаа“  пумпашите и закажаа меѓусебно финале. Во финалето ќе гледаме убав и опуштен дуел во кој ќе ги поделмиме “златото“ и “среброто“. Вардаровите момци се победници уште со пласманот во истото, титулата Шампион од ова натпреварување секако иде во витрините на Вардар.  Саатницата се уште е непозната за финалето, за истата ќе ве известиме дополнително на ден пред истото, влезот на овој кугларски спектакал е слободен.

Резултати полуфинале одиграно во “Мусандра„

Едниот од вардарци не мируваше во меѓувреме, Влаќевски со  614 “соборени дрва“ во петокот обезбеди  финалето на меѓународен кугларски турнир во Бачка Топола-Србија каде што настапуваше. Во саботата го одигра и финалето на  турнирот се огранизира во “Функ Арената“.