КУГЛАЊЕ! Вардар гостува кај Империал Тобако, во рамки на МКЛ

Викендов на програмата се возбудувањата од македонската кугларска лига, ќе се одигра според распоредот 8-мото коло во МКЛ. Избраниците на Драги Димитровски по два домашни меча, ќе гостуваат ова коло во кугларската лига .

Црвено-црниот кугларски колектив ќе гостува  во кугларницата “Мусандра“ кај фенерџијата на лигата екипата на Кк Империал Тобако ТКС.  Овој меч е закажан за сабота 20/02/2016година, и истиот е  со почеток во 10-00 часот.  Во првиот дуел оваа сезона нашата  екипа го доби со убедливи 8-0  меч кој се играше на наш терен. Во истиот најдобри поединци кај вардарци беа Влаќевски и Димитар Димитровски.  Во изминатото коло гостин ни беше екипата на Кк 18 Август Адинг, вардарци и во овој дуел беа убедливи и однесоа победа со резулат 7-1 (21-3). Вардар во саботниот дуел влегува од улога на фаворит против екипата која има нула бодови, а воедно во истиот влегува и како лидер на  табелата во МКЛ со еднаков број бодови како и единствениот наш ривал за титулата екипата на Макпетрол.