Место во KK Вардар, Донаковски заминува во Унгарија

Довчерашниот кошаркар на Партизан Водно Санс, Стефан Донаковски својата кариера ќе ја продолжи во унгарската Втора лига.

Иако беше договорен со Вардар, негов нов клуб е Шалготарјани од истоимениот град во североисточна Унгарија. Претходните две недели, 24-годишниот крилен играч беше на проба во екипата и оставил одличен впечаток по што раководството и стручниот штаб одлучиле да му понудат договор.

Минатиот викенд Шалготарјани учествувал и на турнир во Тисаујварош, каде го овоил пехарот, а Донаковски бил најефикасен во финалниот меч, со 16 поени.

Конекцијата меѓу клубот и Донаковски е уште еден македонски кошаркар, сега натурализиран Унгарец, Валентино Каранфиловски на чие инсистирање, поранешниот играч на АВ Охрид и замина во Унгарија.

извор-kos.mk