Претходните денови, Кошаркарскиот клуб Вардар преку својата школа беше домаќин на грчкиот тим Волос.
Во домот на „црвено-црните“ беа одиграни шест натпревари меѓу кошаркари на возраст од 12 до 15 години во машка и на 14 години во женска конкуренција. Вардар триумфираше на пет од шесте меча, но во преден план од овие натпревари не беа резултатите, туку дружењето меѓу дечињата од Македонија и Грција.
Школата на Вардар е мошне активна на меѓународен план последниот период. Покрај дружењето со Волос, кадетската екипа до 30 декември учествува на турнир во Солун.