КУГЛАЊЕ! Вардарци пристигнаа вчера во Италија, денес и во четврток ќе настапат на “Светскиот куп“

Во неделата експедицијата на црвено-црните куглари се упати од нашиот главен град Скопје за Болцано-Италија каде од денес почнува “Светскиот куп“ , собирот на најдобрите 14 екипи на планетава. Нашите момци во текот на вчерашниот ден пристигнаа во Италија , одкако се сместија почнаа со адаптација на новата средина пред почетокот на овој најтежок европски предизвик за нив.

Тимот на појадок во исчекување на првиот натпреварувачки ден денес!

Вардар на ова најсилно кугларско натпреварување “ Светскиот куп “ ќе ја преставуваат Република Македонија. Според планот за настапи денес веќе нашите момци ќе се појават на патеките. Тројца наши куглари ќе настапат денес, а пак другите тројца според програмата на ова натпреварување своите настапи ќе ги забележат за два дена , поточно во четврток. Предизвикот и шансата е голема, нема што да изгубиме , единствено може да изненадиме на овој собир на кугларскиот крем на едно место. Тренерот Драги Димитровски ќе одлучи со кои момци ќе настапи денес, а на кои тројца ќе им ја даде довербата да настапат во четврток.