Vardar Fans
Кошаркарите на Вардар одиграа одличен меч, ние го пречекавме Кожув во СЦР „Кале“ и му нанесовме пораз од 95-86, во дуелот од 15. коло на Првата лига на Македонија. Гостите од Гевгелија важеа за благ фаворит, сепак избраниците на Јованчев одигаа одлична партија. Ова е трета наша победа сезонава.
Вардарци одлично отворија, поведоа со 14-2 и најавија интересен дуел. Кожув се врати, ја анулира негативата постојано двата тима беа блиску на резултатски план. На одмор помеѓу двете полувремиња заминамв со минимална предност, 43-42.
Во третиот период ние бевме подобар противник, а на стартот од завршните десет минути домаќинот заигра неверојатно и стигна до највисоките +17. Кожуф се врати во игра, но имаше сили само да го ублажи поразот. Победата дојде со 9.поена позитива, 95-86. Кај нас Диксон Дикембе беше најдобар во со 20 поени, тој имаше и „дабл-дабл“ учинок, бидејќи впиша 13.скока.
