Vardar Fans
Иако сме во текот на циклусот новогодишни и божиќни празници момците од црвено-црниот кугларски колектив не мируваат. Играа на турнир во Србија, потоа имаа новогодишен клубски турнир и закуска, а на крајот ги отпочнаа подготовките за пролетниот дел во сезоната 2017/2018 година. Нас ова пролет не очекуваат два круга во Македонската кугларска лига (МКЛ) каде ја браниме “сребрената позиција“ и Купот на РМ каде го браниме големиот пехар.
* Турнир во Бачка Топола, Србија каде Димитар Димитровски и Бојан Влаќевски ги минаа квалификациите и играа во финалниот дел. Фотографирани со легендата на српското куглање и екс вардарецот Арпад Борош.
*Вардарци одиграа новогодишен клубски турнир, на кој победник беше Згонц. Второ место освои Влаќевски, а трет беше капитенот Димковски.
* Тие од вчера почнаа и со подготовки за пролетната сезона која почнува на 21-ви јануари со дуел против еден од конкурентите за вице-шампионската титула КК ГТЦ Мусандра.
