Vardar Fans
Согласно календарот на Атлетската федерација на земјава на ден 29-ти април, сабота на програмата е 8-то Национално македонско првенство на 10.000 метри. Натпреварот ќе се организира во поединечна и екипна конкуренција за момци и девојки. Првенството ќе се трча на тартан патеката на Телеком Арената во главниот град на земјава, на истото ќе има преставик и од црвено-црниот атлетски клуб Вардар.
На ова првенство на 10.000 метри боите на АК Вардар ќе ги брани младиот атлетичар Петре Завировски. Тој својата трка ќе ја трча со почеток во 17-00 часот за кога е закажано машкото натпреварување на ова национално првенство. Нашиот атлетичар ќе се обиде да истрча под 35:47 колку што е неговиот најдобар резултат на оваа дистанца, истиот е постигнат во септември 2014 година од страна на Завировски.
Тој минатата недела зема учество на атлетски митинг “Отварање на сезоната”. Со кој официјално започнуваа натпреварите на атлетска патека. Настанот се одржи на Телеком Арената во Скопје. Вардаровиот атлетичар настапи на трката на 3.000 метри каде што се обиде да го подобри својот најдобар резултат во оваа дисциплина кој изнесува 9:32 истрчан минатата сезона во септември. Завировски истрча блиску до својот “таргет“, тој патеката ја мина за 9 минути и 38 секунди. Ова време беше доволно за пласман во топ-5 местата.
