Vardar Fans
Вардарецот, Могамедгаџи Нуров се пласира во финалето на Медитеранските игри на турнирот во борење во категоријата до 97кг. Нашиот репрезентативец со пресврт во полуфиналето го совлада Турчинот Деде со 8-5. Тој претходно и во четвртфиналето беше одличен и со високи 9-0 го совлада шпанскиот борач Антонио Родригез . Нуров веќе е медалист на ова натпреварување, само се разбира главниот атак е на златото.
Во полуфиналниот дуел Турскиот борач имаше водство од 5-2, но со превсрт во втората рунда Нуров се избори за финале и борба за златниот медал. Со извонредна тактичка и трпелива борба, иако турскиот борач во многу наврати на нечесен начин се обидуваше да дојде до победа сепак нашето момче покажа класа и победи. Финалната борба е во 19 часот, а негов противник ќе биде италијанскиот борач Симоне Јанатони, кој во полуфиналната борба беше подобар од Максим Франсоа.
Треба да се напомене дека стратегијата на проф.Љубиша Пешко и Ибрагимов, да се доведе вардарецот Нуров да се бори за Македонија почна да дава “плодови“ и резултати. Доколку МОК и ФБСМ имаа коректен и професионален однос кон борењето, несомнено е дека сега најмалку ќе имавме 3-4 медали во слободен и грчко-римски стил.
