Tuesday ,31 January 2023
Последни:
Home > Останати спортови > Одбојка > Одбојкарките на Вардар со ривал од Финска, момците од Словенија
Одбојкарките на Вардар со ривал од Финска, момците од Словенија

Одбојкарките на Вардар со ривал од Финска, момците од Словенија

Женскиот одбојкарски клуб Вардар ќе се сретне со финскиот прволигаш Хаменлина во рамките од Челинџ-купот на ЦЕВ. „Црвено-црните“ по одличната сезона на домашната сцена се до паузата поради коронавирусот, сега ќе добијат можност да се докажат и во меѓународни рамки, каде искуството на натпревари против квалитетни ривали ќе биде драгоцено за нашите млади одбојкарки.

Хаменлина е квалитетен состав кој секоја година учествува во европските натпреварувања. Поголемиот дел од играчкиот кадар се фински одбојкарки, а во „ростерот“ имаат и засилувања од Чешка, САД и од Белорусија.

Првиот натпревар е закажан за периот меѓу 8 и 10 октомври во Скопје, а реваншот во Финска ќе биде на програмата во периодот од 13 до 15 октомври.

Словенечкиот прволигаш Камник е наш ривал  кај момците, на стартот од новата европска авантура, беше одлучено со вчерашната ждрепка што се одржа во Луксембург. Вардар втора година по ред ќе се натпреварува во Челинџ-купот на ЦЕВ, а желба на сите во клубот е сезонава да биде мината најмалку една пречка во текот на европската авантура.

Камник е ривал по мерка, станува збор за екипа што во сезоната 2018/2019 била вицешампион на Словенија, а во клупската историја има три титули шампион на својата земја (2001, 2002 и 2003).

Првиот натпревар ќе се игра во Скопје на 15/16 октомври, а реваншот ќе се игра седум дена подоцна во Словенија.