Јуниорите на МЗТ Скопје Аеродром го совладаа нашиот Вардар и заслужено се пласираа во големото финале. Нашите надежи вчера во „Градски парк” немаа многу расположени играчи па така го загубија дуелот со резултат 87:72 или по четвртини (15-22; 25-11; 25-18; 22-21).
Кај тимот на МЗТ Скопје Аеродром доминираа Дамјан Миса со 23 поени и веќе првотимецот на МЗТ Настовски, кој уфрли 17 поени. Кај нашиот тим Тодоровски уфрли 18, Данилов 17, а Божиновски 11.
Вардар во малото финале ќе се сретне со тимот на Феникс 2010.