КФМ: Нема да има Куп, пласманот на екипите според табелата по 13.кола, Макпетрол шампион

Поради Корона вирусот, односно почетокот на рестрикциите не се доигра последното, 14.коло во Македонската кугларска лига. Остана за доигрување и целиот натпреварувачки дел во Купот на Република Македонија. Сепак поради ситуацијата федерацијата вчера одржа состанок на кој се донесоа одлуки. Во информацијата се вели:

3аседаваше Извршниот одбор на КФМ и донесе Одлука едногласно со 6 гласови (Претседател, Потпретседатели ×2, претставник на Макпетрол, Вардар и 18 Август) МКЛ да се прогласи за завршена, без да се одигра последното 14-то коло, со пласман на екипите согласно завршеното 13-то коло каде што Макпетрол е шампион, ГТЦ – Мусандра втор, Пелистер 1982 трет, Вардар 2014, ТКС Империал Тобако и 18 Август, додека кај девојките прва е екипата на ГТЦ Мусандра, втора Пелистер Т&С Холдинг.
Исто така поради ситуацијата со Корона-вирусот традиционалниот КУП оваа година нема да се одржи. На денешниот состанок беа гости Претседателите на Натпреварувачка и Судиска комисија и претставник на женската екипа од Битола.