Vardar Fans
Кошаркарките на Вардар ќе бидат дел од плеј-офот во женска конкуренција. А во трката за шампионскиот трофеј ќе тргнат од третата стартна позиција. Го потврдија тоа девојките во „црвено-црна“ комбинација и со убедлива победа над Струга 2009.
За триумф во дуелот со последнопласираната екипа во Суперлигата, на домашните кошаркарки им беа потребни две добро одиграни четвртини.Во овој случај, или поконкретно, првата и третата во која збирно направија разлика од 21. поен. Откако ја добија првата четвртина со (27:19), дуелот „Под Кале“ беше израмнет во вториот период во кој двете екипи си поделија по 14.поени, па на полувремето Вардар водеше со (41:33).
Но тоа не ги задоволи нивните апетити, па по одморот, одиграа и најдобро. Во тие 10 минути парцијално направија скор (24:11), со кој ја потврдија новата победа во овој суперлигашки дел од сезоната.
Анастасија Подунавац
Анастасија Подунавац успеа да биде двоцифрена во три категории, таа имаше „Tрипл-дабл“погоди 25.поена, имаше неверојатни 17.скока и додаде 10.асистенции. Репрезентативката Јована Петрушевска имаше 20.поени и 7.скока, „вечната“ Славица Наков погоди 11.поена и подели 8.асистенции.
