ЕП: Македонија заврши на 12.позиција по поразот од Израел, вардарецот Петров двоцифрен

Трет натпревар на младинските Европски првенства ова лето и трет пораз од селекции на земјата со долга и успешна кошаркарска традиција.

Македонската кадетска репрезентација го освои 12-тото место на шампионатот во Удине, по уште еден неуспех во дуелите со Израел. Загубивме со 83:72, но овој пораз помалку боли од оној во групната фаза, по три продолженија и по водство од 18 поени разлика.

И сега бевме рамноправни 36 минути, беше 70:67 пред Израелците да направат 13:5. На почетокот од последната четвртина имавме и водство од 62:63, но како и во натпреварот од групата, противникот покажа дека е подобро физички подготвен и на крајот го скрши отпорот.

Филип Наков одигра одличен натпревар, постигна 20 поени и 9 скока и да не беа седумте загубени топки впечатокот за него ќе беше уште подобар. Повторно немавме одговор за Шарп кој заврши со 24 поени.

Нашата кадетска селекција ја исполни целта по победата против Босна и Херцеговина со што обезбеди опстанок во оваа конкуренција. Во Б-дивизијата испаѓаат Естонија, БиХ и поразениот од мечот меѓу Летонија и Германија, а за титулата ќе се борат Франција и Шпанија.

Извор: https://basketball.mk/nikako-da-najdeme-lek-za-izrael/

Вардарецот, Мартин Петров беше двоцифрен тој постигна 10 коша, другиот црвено-црн играч, Павел Атанасов имаше два поена и три скока.