Vardar Fans
Федерацијата за боречки спортови на Македонија (ФБСМ) за Меѓународниот турнир „Дан Колов“ кој ќе се одржи во соседна Бугарија во период од 7 до 9 април, и за Европското првенство до 23 години и за понатамошмите програмски активности на подговки од вторник (21 март) повика 9 борачи.Федерацијата упати покани до : Бехар Махмути – Тефејуз, Елмедин Сејфулаху – Лирија, Владимир Егоров – Вардар, Ријад Реџепи – Лирија, Михаил Николов – Балканец, Рамадан Реџеповски и Бунјамин Нуиши од Тефејуз, Бобан Савев – Балканец и Мохамедгаџи Нуров- Вардар. Чудно засега само Бехар Махмути е ставен на списокот за ЕП во У-23.
Пред некое време имаше недоразбирање меѓу репрезентацијата и Вардар во врска со неговите борачи Владимир Егоров и Халил Зубаиров за настап на Меѓународниот турнир „Јашар Догу“ во Турција, пред се околу известувањето (задоценто според Вардар) и сносувањето на трошоците, бидејќи овие борачи тогаш заминаа од Македонија за Русија. Тогаш од репрезентацијата и ФБСМ беше речено дека не ги почитвале Правилникот.Поучени од претходното искуство, Вадрар испрати известување до ФБСМ дека го потврдуваат учеството со неколку прашања.
Од Вардар прашуваат зошто на списокот го нема Халил Зубаиров кој е носител на бронзен медал од ЕП У-23 во Полска и е прв на Изборното првенство на Макдонија што се одржа пред еден месец во категоријата до 86 килограми. Оттаму сметаат дека тој е кандидат за висок пласман и на „Дан Колов“ и на ЕП во Србија. За да стигнат борачите на Вардар од Русија во Македонија, тие бараат на нив да им бидат обезбедени патни трошоци, авионски карти, претстој, дневници и спортска опрема.
Од секретаријатот на ФБСМ упатиле извстување дека Управниот одбор на ФБСМ има донесено одлука во која сите репрезентативци на Република Македонија кој се повикани на подготовките потребно е да дојдат во Скопје на 21 март 2017 во 16 часот во хотел Истанбул.
„Трошоците до пристигнување во Скопје се на товар на клубот (се однесува за сите повикани репрезентативци). По пристигнувањето Федерацијата на боречки спортови на Македонија ги презема репрезентативците и сите трошоци што се однесуваат на хотелско сместување, храна, транспорт од хотел до базата каде ќе се одвиваат подготовките се на товар на ФБСМ. Транспортот од Скопје до местото на одржување на турнирот или првенството, хотелско сместување, храна и враќање назад до Скопје, исто така се на товар на ФБСМ. Се однесува за сите репрезентативци подеднаквo.
Oд клубот наш се спремни за соработна со цел добро на борењето и успех на Македонија во меѓународните битки во овој спорт. Тие сепак реагираат на серија нелогичности како финансирањето на патот од страна на клубовите иако станува збор за репрезентативни обврски. Со ова пред се се нарушува и така лошата финансисна кондиција на борачките колективи во земјава. Вардар во обраќањето до федерацијата го вели следново:
Да Ви напоменеме дека во дописот од 16 март 2017, Ве замоливме за подетални информации околу капацитетот и возможностите на ФБСМ и реалната слика за понатамошна соработка, за однапред планирана и систематска работа ?!
На 18 март 2017, во 19:00 добиваме ИЗНЕНАДНА покана од Вас за учество на нашите борачи во склоп на репрезентацијата на Македонија, без никакви претходни напомени и одлуки. Поканата со радост ја прифативме, но сакаме да разберете дека НЕ СМЕ ВО НИКАКВА МОЖНОСТ НИЕ КАКО КЛУБ за толку кратко време да обезбедиме финансиски средства за авиобилети. Во интерес на Македонското борење, би го замолиле раководството на ФБСМ, да изнајде решение и да им овозможи на Македонските надежи В.Егоров, Х.Зубаиров и М.Нуров да пристигнат навреме на закажаните подготовки и да им овозможите поуспешно да се претстават и освојат одличја на меѓународните турнири за Р.Македонија.
