(ФОТО) Доделени сребрените медали на Вардар во јуниорска и сениорска конкуренција освоени во Кугларската лига

Во кугларницата “Мусандра“ викендов се одвиваа квалификациите за Купот на Република Македонија во куглање. На овие третти по ред квалификации откако Вардар едноподруго учествува треттпат земавме учество и третти пат доминиравме, повеќе за ова може да прочитате тука, а воедно доминиравме и во топ-6 изборот за што може да се информирате овде. Пред почетокот на истите беа доделени медалите на Сениорите и Јуниорите на Вардар освоени во лигата. Момците на Драги Димитровски добија “сребро“ и во двете категории.

Кај сениорите завршивме зад КК Макпетрол што е посебен успех, тоа беше остварување на нашата цел да бидеме веднаш зад тимот со најголем буџет во овој спорт.  Kај јуниорите (до 23 години) завршивме со исто бодови и победи колку и врсниците од КК Империал Тобако ТКС. Сепак заради “нијанси“ во постигнатите резултати тие беа првопласирани. Сепак големо е задоволството што за неколку месеци создадовме респектабилна јуниорска екипа пред се благодарение на трнерот Драги Димитровски.  Во ова натпреварување зад нас заврши младиот состав на  КК Макпетрол.