ЖКК Вардар најдобра женска екипа, Стојановска најдобар тренер

Вчера,  Македонската кошаркарска федерација на свечена церемонија ги одбра најдобрите кошаркари, кошаркарки, екипи, судии за изминатата година. Вардаровиот тим доби две награди во женската кошарка. 

Двојниот шампион, освојувачот на првенството и Купот на Македонија нашиот ЖКК Вардар е најдобра женска екипа во земјата за 2019 година. Најдобар тренер е прогласен нашиот кормилар, Жаклина Стојановска (Вардар). Таа успешно ги носеше девојките до двојната круна, оваа есен вардарки продолжија со истиот ритам па на пауза ќе заминат како есенски шампиони.