Во сабота дерби Кугларите на Вардар на мегдан со Макпетрол

Првото коло од пролетниот дел на сезоната на Македонската кугларска лига дефинитивно ќе се одржи во сабота  07.03.2015 година.  После конечното решение за спорот помеѓу КК Макпетрол и КК Вардар 2014 за трансфер на играчот Бојан Влаќевски.

Тимот на Вардар (Куглање)

Во спорот , во кој мораше да посредува и Кугларската Федерација на Македонија застапувана од претседателот на истата, г-динот Александар Бичиклиски, поради несогласувањата меѓу споменатите два клуба, тој го искористи своето овластување и дискреционо право да донесе одлука со која трансферот на Бојан Влаќевски е одобрен (од КК Макпетрол во КК Вардар 2014) .

При што КК Вардар 2014 мора да исполни зададени услови спрема правилниците на КФМ. Со тоа овој спор е затворен и веќе во сабота токму овие две екипи ќе ги одмерат силите во дербито на првото пролетно коло.