Vardar Fans
По поразот во дербито од првото пролетно коло од Шампионот во кугларската лига тимот на КК Макпетрол за Вардарци продолжуваат возбудувањата во кугларската лига . Во второто коло од пролетниот дел на кугларската сезона, нашиот КК Вардар му гостува на КК Империјал Тобако кој е домаќин во кугланата Мусандра во Градскиот Трговски Центар во Скопје.
Младен Донковски сегашен член на КК Вардар !
Во овој дуел , судејќи по играчкиот кадар , Вардар влегува како голем фаворит за освојување на нови два бода , кои ќе бидат добредојдени после минатонеделниот тесен пораз од шампионот КК Макпетрол. КК Империјал Тобако во оваа сезона е рапидно ослабен по заминувањето на нивни три клучни играчи кои прејдоа токму во КК Вардар. Најновиот играч на КК Вардар, Младен Донковски , ќе има дуел со своите довчерашни долгогодишни соиграчи и овој натпревар за него ќе биде посебен во многу нешта. Во ова коло , исто така во Мусандра , се сретнуваат КК ГТЦ и КК Работнички, двете екипи кои го поминаа Вардар на табелата во претходното коло. Со победа на Вардар над Империјал Тобако, Вардар речиси сигурно ќе се врати на третото место на табелата.
Сабота , 14.03.2015 – КК Империјал Тобако против КК Вардар во куглана Мусандра во ГТЦ.
