Vardar Fans
Изминатото коло екипата на ЖКК Вардар беше слободна во домашната лига, овој викенд тие имаат дуел со тимот на ЖКК Струга 2009. Во рамки на 4.коло од вториот круг црвено-црните се домаќини на екипата од Струга.
Вардарки во сабота, 10.март ќе ги пречекаат стружанки во нивниот дом, малата сала при С.р.ц “Кале“-Скопје. Ние сме фаворитки во овој натпревар, во двата досегашни во оваа сезона ние дојдовме до “цел плен“, во првиот дуел како домаќини ги добивме со 71-51, а в гости триумфиравме со овој противник со резултат 52-67. Вардарки во лигата се второпласирани на табелата со 18 бода, пред нас е само шампионот Бадел со два бода повеќе.
