Vardar Fans
Селекторот на ракометната репрезентација на Црна Гора, Драган Џукиќ го објави списокот на ракометари, на кои ќе смета за претстојната ЕХФ недела и натпреварите против селекцијата на Чешка. На списокот се најдоа 19 играчи, а меѓу нив е сигурно најдобриот стрелец и предводник на оваа репрезентација, тоа е левиот бек и играч на Вардар, Вуко Борозан.
Борозан е најдобар стрелец и во редовите на Европскот шампион во новата сезона, каде на четири натпревари постигна 20 голови, а на последниот дуел против Пик Сегед зад неговото име запиша 8 голови. ЕХФ го смести и во идеалниот тим на колото во ЛШ, како најдобар лев бек.
